قصيدة الطفل من حبه كتب (بأسكم زال)

من طرف **Admin** الجمعة مارس 23, 2012 8:19 pm

قصيدة الطفل من حبه كتب (بأسكم زال)

. الكيف طاب وخاطري سيّح البال
وطيور شوقه غردت بالبساتين
كني باجازه بين خضره وشلال
واحباب قلبي جنبه ايسار ويمين
ماكيّف الخاطر هوا (بن ودلال)
ولا سواليف اللهو والسباحين
إمكيفه شوف (الملك طيب الفال)
نحمد معافي شيخ كل السلاطين
عبدالله الغالي فدا الروح والمال
درع الوطن والشعب فالعسر واللين
أفراحنا لاحت على كل الاشكال
يوم الله الشافي شفا قرّة العين
وكل الوطن، حرمه ،ورجّال، وعيال
هل الفرح بعيونهم هالملايين
ياافضل ملك، يا انبل رجل، بين الازوال
ياحاكم الأمّه على العدل والدّين
تنشر لك البيضا على روس الاقذال
ويعجز عن احصا منجزاتك دواوين
ما نقدر نعبّر عن الحب باقوال
ولا نعبّر عن فرحنا فبيتين
لكن نورّث حبنا لك للاجيال
يشهد على قولي صدوق البراهين
الطفل من حبه كتب (بأسكم زال)
في وسط كراسه رسمها بتلوين
والطفل الآخر حبكم لبسه اعقال
واكد على حبك بنخله وسيفين
والطفل لامنّه فرح ترجم افعال
طبيعته هذي من اول وهالحين
واصدق فرح يصدر من قلوب الاطفال
حبك رساله والشعور العناوين
الدمع بعيون المحبين لك سال
واصدق شعور تعبّره دمعة العين
باسم الذي نزّل تبارك والانفال
منجي عباده يوم عرض الموازين
يشفيك ويردك على الدار بالحال
ياخادم الإسلام واهله وبيتين .