بقلم الشاعرعبدالفتاح النميم شمــووخ بـــدووي

من طرف **Admin** الثلاثاء ديسمبر 27, 2011 9:46 pm

مســآكم .. خـــير .. وسعادهـ .. كتبت ابيآت متواضعه .. وحرف لمسمعكم الكريم ...
على امل ان ترتقي لمستوى ذووقكم الراقي اقول فيهآ ..

مـن لحظة التفكيـر وهيـبة الصمت
كتب سمو الحـرف وأحرج سكـاتي ..

مهما يضيق كـون بـعيني تبسمت
دام التمس راحة ولـذة بصــلاتي ..

دنيــا (ن) اسايسـها وعليها تأقلمـت
استبدل مـر شينـها بسكـر نبــاتي ..

أكــن جـروحي غصــب لو تألمـت
شكـواي للي أمر بفرض زكــاتي ..

الواحــد المعبــود ولوجـه أسلمـت
ما اخضـع لغيره لوالقى ممــاتي ..

ترا رغم جروح وقتي ما تحطمـت
ما ينكســر رجـل ٍ للعليـا يحـاتي ..

عيني تلـد للنايفه دامي عزمـت
ارتفع عــن نيــة ســـود العبـاتي ..

اعرض عن هابط ٍعنه تشيــمت
وأجود بفعــل الطيب عـن رداتي ..

واللي يطيح من عيني ما ترحمت
على مطيح اللي خثـع بحصاتي ..

وعـن دروب الخطا تراي كرمت
شمـوخ بــدو ٍ أعلــن خَصـْـلاتي ..

وعن ساقط الهرج شفني تلطمت
اخاف اسمع حكي يزيد خملاتي ..

على الكرامـة ابـــد ما تساومت
راعي المبادي وقفاته ثبـــاتي ..

واطمع بزود معرفه مهما تعلمت
واقول يا دنيـا من الدرس هاتي ..

ترى مهما قلت وزدت وتكلمـت
تبقى نوايا والفعل سبة نجاتي ..

يا صاح اقرأ التاريخ لو تكـرمت
كـم طيب خلدوهـ بعــد الوفـــاتي ..

مبادي من صغري عليـها تفهمت
ورث أبوي وجد وبذرة نــواتي ..

وبعض الكلام دواه حكمة الصمت
حشمة لقدر نفسي وسمو ذاآتي ..

وسلامتكم ..

الموضوع الأصلي : قصيدهـ جديدهـ بعنوان : شمــووخ بـــدووي بقلمي