للمدرسه وحشه و لكن ماهي وحشة للـ كتاب

للمدرسه وحشه و لكن ماهي وحشة للـ كتاب


رغم الترابط و الوصل حسيت فـ الروح اغتراب
ودي أرجع مع صفوف الدراسه و ركابها

****
للمدرسه وحشه و لكن ماهي وحشة للـ كتاب
للصحبه اللي ماتناست بـ الفراق اصحابها

****
شوقي لـ جمعتهم كثر ما ينتثر مزن السحاب
كثر حنين المغترب عن ديرته لـ ترابها


****
في ظل جمعتنا مرح يموت جو الاكتئاب
و في شقاوتنا براءة نختفي بـ ثيابها

****

يا كثر ماكنا نخالف فـ النظام و ما نهاب
حتى قوانين الادارة ما حسبنا حسابها

****
عودونا نلتقي بعد الاجازة و الغياب
اذا المدارس رحبت و استقبلت طلابها

****
و الحين صار فراقنا فرقى ذهاب بلا اياب
ما عاد تجمعنا سنين المدرسه بـ أحبابها

****
اتذكر اليوم الاخير المر و الفرقى عذاب
الموعد اللي ساعته من قبل كنا نهابها

****
ودعت كل اللي احتوتني قلوبهم قبل الذهاب
قفيت عنهم و نثرت عيني دموع اهدابها

****
جبنا الشهادة و افترقنا غصب عنا للـ غياب
و انتهت اغلى ثلاث سنين مرينا بها
****

فمان الذكريات اللي صداها باقي ما غاب
يـ الصحبه اللي ماتناست بـ الفراق اصحابها


الموضوع الأصلي : للمدرسه وحشه و لكن ماهي وحشة للـ كتاب