رواية (( غريبة بين أهلها )) رواية كويتية تجنن ..

رواية (( غريبة بين أهلها )) رواية كويتية تجنن ...

حبيت إني أشارك برواية قرأتها بمنتدى ثاني وعجبتني حيل وإن شاء الله تعجبكم

^^^^^^^^^^^^^^^^^


الجزء الأول
نبذة عن العايلة:
في أرقى أحياء الكويت يسكن خليفة (أبو محمد ) تاجر كبير معروف وعنده عدة شركات ويسكن ويا زوجته شيخة (أم محمد) وعندهم عيال هم :
ابنهم الأكبر محمد ( أبو سعد ) وزوجته مزنه (أم سعد ) وعيالهم :
سعد (26) سنة متزوج هناء بنت عمه (24 ) وعيالهم : فيصل (5) سنوات وجاسر (سنتين ).
العنود (22) سنة معلمه رياضيات توها متخرجة .
بدر (20 ) سنة بالجامعة سنة ثانية تخصص تجارة واقتصاد . وأيام الإجازة يشتغل بشركة العايله .
نوف (18 ) سنة آخر سنة بالثانوية .
ابنهم الثاني صلاح (أبو سلمان ) وزوجته فاطمة (أم سلمان ) وعيالهم :
سلمان (25 ) سنة يشتغل بشركة العايلة .
أحمد (23)سنة بالجامعة آخر سنة تخصص تجارة واقتصاد .
سارة (21) سنة بالجامعة تخصص صيدلة سنة ثالثة .
ملاك (18 ) سنة آخر سنة بالثانوية .
ابنهم الثالث طارق (أبو طلال ) وزوجته نورة (أم طلال) وعيالهم :
طلال (25) سنة متزوج بنت خالته ( طيف ) وهي معلمه لغة عربية وعندهم عيال توائم هم : مشعل (3)سنوات وريما (3)سنوات.
بندر (22) سنة بالجامعة سنة ثالثة تخصص اقتصاد وتجارة ( كل الشباب بالعايله يدرسوا اقتصاد وتجارة هذا شرط جدهم عشان يحافظوا على شركات العايله)
نادر (19 )سنة بالجامعة تخصص تجارة واقتصاد أول سنة .
ريناد (15 ) سنة بالمدرسة .( بما إنها البنت الوحيدة فهي دلوعة البيت )

ابنهم الرابع سعود ( أبو فهد ) وزوجته شريفة ( أم فهد )و عيالهم :
هناء (24) متزوجه ولد عمها سعد وهي موظفة بالبنك .
فهد (23) سنة تخصص تجارة واقتصاد آخر سنة ( وهو رفيج أحمد ومثل ما يجول توأم روحه ).
ليان (21) سنة بالجامعة تخصص آداب سنة ثالثة.
لجين (18 ) سنة آخر سنة بالمدرسة الثانوية .
وبنتهم فوز( أم جاسم ) وزوجها مشاري ( أبو جاسم ) وعيالهم :
جاسم (24) سنة يشتغل بشركة العايلة .
لبنى (19 ) سنة بالجامعة أول سنة تخصص هندسة كيميائية .
دانه (15 ) سنة بالمدرسة .
وابنهم عبدالله متزوج فرنسية بس أسلمت اسمها نادين وأمها لبنانية الأصل وعلاقته مع أهله منقطعة فهم ما يعرفوا عنه أي شي لأن أبوه ما كان راضي على زواجه .

^^^^^^^^^^^^^






مع رنت الجرس الي تعلن نهاية العام الدراسي طلعت الطالبات من الفصول
و من اخر امتحان لاخر سنه في الدراسه .
لجين : ها اشسويتي في الامتحان ؟!
غاده : تمام كان وايد يخوف بس الحمد لله.
( غاده صديقة لجين من الابتدائية )
لجين : بالعكس كان الامتحان وايد سهل .!
و جات ملاك من و راهم و شكلها معصبه
لجين : خير اشفيج ملاك شكلج مو على بعضج
ملاك : و الله معصبه من قرادة حظي ما قدرة اطلع البراشيم من جيبي.
غاده :لييييش ؟
ملاك : كانت عندنا مراقبه عيونها مثل النسر و الله خساره دفعت دمي حج البراشيم .
لجين : خيرها بغيرها .
ملاك : شنو غيرها نحنا في اخر يوم دراسي و اخر سنه لنا ماكو يوم غيره !
لجين : يا حلوه لا تنسي اذ نجحنا ورانا جامعه .
غادة : أي صج لجين اشفيج مستعجله و جدامنا الصيف بكبره .
ملاك : أي لاحجين على الدراسه !
لجين : و الله ذكرتيني خلاص من اليوم وداعا للحصص و و داعا للمعلمات الملقوفات و لدفتر الدرجات المشؤوم
و الفرص و البنات و مكتب المديره الي حفظنا كل ركن منه من كثر ما ندشه و المقالب على المعلمات و التعهدات .
ملاك : أي و الله و الحفلات و البيبسي الي كنه نخشه عن المعلمات و العلج الي لصقناه في ملابس الابلوات .
و الفيران و الحشرات البلاستيكيه الي كنا نخرع الأبلوات بيها
غاده :صج كانت ايام و لا احلى كانت ونااااااااااسه
ملاك :أي بس اكيد ايامنا بعد الدراسه حلوه وايد
لجين :شنو تعرفي تتنبئي بالمستقبل و انا ما ادري
ملاك : أي و انا ما خبرتج عشان الحسد !
لجين : هههههههههههههههههههههه
غاده :هههههههه بس شنو تنبئتي حج حياتي .
ملاك :زواج و عيال و بيت و خدامه اندونيسيه اسمها تيفا .
لجين : لوووول حتى اسم الخدامه تعرفيه
غاده :يلا عاد خلينا الزواج لج
ملاك : أي عادي .
غاده : الله يسامحج يا ملاك هذا الدريول جاعد ينطرني من نص ساعة
يلا باي اشوفك على خير
ملاك و لجين : باااااااااااااااااااااااي
ملاك : اجول كاهو اخوي سلمان يالله باي اشوفج في بيت عمي بوسعد
لجين : زين بااااااااي
ملاك : بااايات

^^^^^^
ملاك و إهيه راكبه السيارة : هاي
سلمان : و عليكم الهاي
ملاك : طلبتك !!
سلمان : شنو تبين مني يالمصلحجيه
ملاك : انا مصلحجيه حرام عليك
سلمان خلصيني جولي الي عندج
ملاك : ابي اروح المول .
سلمان : لا و الله شنو جالولج سايق ابوج انا ؟
ملاك : لا بس انته اخوي العزيز و بعدين اليوم كان اخر يوم دراسي في المدرسة .
سلمان : لا و الله و على طاري اخر يوم كيف كان الامتحان ؟
ملاك : زين لا بأس فيه
سلمان : اشوف كل الامتحانات كانت سهله عليج
ملاك : لا تستهين فيني انا عبقريه
سلمان : مادح نفسه جذاب
ملاك : و الله بنشوف لما تطلع النسبه .
سلمان : ماني خسران شي ننطر و نشوف
ملاك : و الموووول
سلمان خلى نفسه ما يسمعها و زيد على صوت الراديو
ملاك : اصلا انا هونت مابي منك شي اخلي اخوي العزيز احمد يوديني
سلمان : كيفج بالطقاق الي يطقج
ملاك : يا ملقك
سلمان طنش ملاك ال يكانت معصبه حييل

^^^^
و في الجامعه
كان احمد توه طالع من المحاضر و شاف فهد( توأم روحه)
فهد : واي حظهم البنات اخر يوم لهم في المدرسه .
احمد : زين نحن بعد ما باقي غير اسبوع
فهد : اشفيك سرحت
احمد : اصلا انا صابر لعيون بنات الجامعة
فهد : انا ادري انهم ما يقدرون يستغنوا عني
احمد : فهود تتحدى
فهد : ايي اصلا ماكو بنت في الجامعه ما تعرفني .
احمد : انا اوريك شغلك
احمد و اهوه ماشي وقف بنت
احمد : لو سمحتي تعرفيني
البنت : أي انته احمد مو ؟!
احمد : أي ... و تعرفي هذا إلي وياي
البنت : لا اسفه ما اعرفه !
احمد انبط من الضحك على فهد الي كان معصب
البنت استغربت بس هي راحت
فهد : في شي يضحك ؟؟؟
احمد : ههههه بس هاذي وحده من البنات الي ما يقدرون ما يستغنون عنك مو ؟
فهدو هو معصب : روووح زين
احمد ما قادر يمسك نفسه و هم يمشون صوب الباركات
فهد ركب سيارته و هو معصب
احمد حس انه زودها و ركب سيارته البورش و مشى
^^^^^^
في بيت ابو طلال
بندر دخل البيت و هو معصب يطالع على امه و اخته ريناد و هم جالسين في الصالة.
ام طلال : خير فيك شي
بندر : لا بس انا اليوم رحت عند ابوي بالشركه و طلبته يشتريلي سياره جديدة مثل سيارة الدعله أحمد
القديمه البورش
ام طلال : عيب تقول عن ولد عمك دعلة و بعدين اشفيها سيارتك وشزينها يديدة ما كملت سنه
بندر : ما ابيها و لي جا ابوي جوليله ما ابي اتغدى و ياكم
ام طلال : ليش ؟
ريناد : دلع صبيان
ام طلال : أي بس ما يصير
بندر : ما لي دخل !
ريناد : بندر خل عنك حركات اليهال !
بندر : جب انتي مالج شغل جاعد اتحجى مع الوالدة
ام طلال : و انا شكو لي في السالفه
بندر : انا تعبان بروح اريح .
ريناد : كيفك محد ماسكك !
بندر : احسن لج سكتي و لا اسلخ العجال في ظهرج .
ريناد : رووح زين
بندر : هين انا اوريج بس مو الحين لما تطلبين اوديج المول
ريناد الله يخلي ابوي و طلال ما يقصروا ياخذوني وين ما ابي
صعد بندر غرفته و سكر الباب بقوه
ريناد : صج ياهل .
ام طلال خلي اخوج في حاله
ريناد ما سويت له شي
و في وقت الغدى
ابو طلال : وينهم نادر و بندر
ام طلال : نادر طلع ويا ربعه يتغدون برع و بندر خذت حيلي زعلان في داره ما يبي يتغدى
ابو طلال : خير شصاير له بعد
ريناد: شنو بعد سالفة السياره
ابو طلال : هذي ثالث سياره اشتريله اياها بعد يبي سياره جديدة
ام طلال : شنو نسوي بعد راسه يابس
ريناد : بس ما يصير طلال الي هو البجر ما شراله ابوي غير سياره
الام طلال : شوف حل يا ابو طلال الولد ما شرب و لا حط لقمه في فمه من الصبح
ابو طلال : امري لله بشتريله و هذي بتكون آخر سياره
بندر سمع كلام ابوه وهو نازل من الدرج و كان طاير من الفرحة
بندر راح على طول و باس راس ابوه
ابو طلال : سمعت انك زعلان مني عشان السياره
بندر : افا انا ازعل من ابوي العزيز عشان سيلره لا تودي و لا تجيب
ابو طلال : عيل خلاص ما دامك ما زعلان يعني ما تبي السياره
بندر : هونت ما ابي اكلو لا اشر الى لما تجيب السياره الجديده
ابو طلال : عيل جوم تغدى و يانا
^^^^^^^^^
بعد يومين و في بيت ابو سعد
في الليل بعد العشى
الكل كان مجتمع الشباب و الياييل في المجلس و الحريم في الصاله
الحريم جاعدين يسولفون مع الجده
هناء : جاسر بس خلاص اجعد مكان واحد
ملاك : خاليه يلعب على راحته
نوف : اووووف طفشت
لجين : حتى انا
العنود : أي صج اشرايكم نروح مكان ثاني مليت من كلام الحريم
ملاك : أي و الله ما عندهم سوالف الى الحش و العيال
هناء : اها و انتي عن شنو تجعدين تتحجين عن الملابس .
لجين :على الاقل ما طفشه مثلكم
ريناد : أي صج سوالف عيايز
نوف : اشرايكم نروح غرفتي
العنود : زين يلا
ليان : يلا
ملاك و لجين و نوف و ريناد والعنود راحوا فوق دار نوف
و في دار نوف
ملاك : شتبون تسون
نوف : نرقص
ريناد : أي و ناسه
ليان : نوف عندج مسجل ؟
نوف : لا بس بجيب من دار بدر من يروح وياي
لجين : انا بروح وياج
ملاك انا بنادي جاسر ارسله يجيب شريط من أحمد
العنود : زين
ملاك من فوق الدرج : جاسر حبيبي تعال شوي
هناء : شتبين فيه
ملاك : ارسله عند الرياييل
جاسر راح عند ملاك و هي فهمته شنو يجول حج احمد
ملاك : فاهم
جاسر : أي بث ابي حواوه
ملاك : ولا يهمك بس روح جيبه زيين
جاسر : ذييييين
نزل جاسر و راح مجلس الرياييل وراح لحظن أحمد
سعد : جاسر عيب جوم سلم على جدك و جدك العود و عمامك
جاسر : الثــــــلام عليكم
فهد : جاسر جول صرصور !!
جاسر: ثــرثــور ...
نادر : حرام عليك مو كأنك لما كنت صغير ما تعرف تنطق الحروف زين و كنت تقول حرف الغين بدال الراء
احمد : اشكره في وجهه !!
فهد : غووح زين يا نادغ .
بدر : و انته يا نادر شيذكرك بفهد خبري فيك كنت ما مولود هذيج الايام!
نادر : الله يخلي بندر يسولفلي عن ايام الطفوله .
فعد و هو عاقد حواجبه : بندر !!!!!!!!!!!!!
بندر : مالي شغل .
سلمان : ههههههههههههه ليش يا فهد كلام نادر مو صج ؟
فهد : صج عيال دجه .
ااحمد : شتبي جاسر ؟؟
جاسر : ملاك تبي شريط عشان يرقــثو ا.
نادر : و الله وناسه عندهم مو مثلنا !
فهد : شرايكم نروح لهم ؟؟
بدر : اضبط روحك خواتي مع البنات!
فهد : لا يا معود بس نروح نخرب عليهم
بندر : والله فكره حلوه[/align][/align]


الموضوع الأصلي : رواية (( غريبة بين أهلها )) رواية كويتية تجنن ...