مبارك الشهراني/ عسى الله ياعلي يجمع قلوب العــاشقين بساع

مبارك الشهراني/
عسى الله ياعلي يجمع قلوب العــاشقين بساع
ولا يحـــرم قـلـــوب بينها حـــب يجمعها
خساره لو تعبت بشي و تلقا ان التعب قد ضاع
تمنى لو ســـنين العــمر بيدينــك ترجعها
وتمنى لو تسج الرجل وفجوج البـــلاد وساع
وتبعد عن ديـــار اللــي قلـــيلات منافعها
بلشنا بالقلوب اللي لها بعض العرب تنصاع
تغرك في حــلاوة قــولها للــي يطاوعها
وعرفنـا ان العــلوم اللي تجــينا كلها قرباع
وعرفنا كاتب القصــه وشــاريها وبايعها
فلو قالوا عن العــاشــق يجوع ودايم طماع
فهذي حـــالة العشـاق ماتخفــي مطامعها
يزيد الشوق لامنــه تعــذر وانتهى المرباع
ولاتـاقف ركــايبــنا ولا تشــكي مواجعها
احاول مـع خفوق عاصي مالان لي وطاع
شكالي مـن جـروح ماضيه يبغي يودعها
خفوق كل ماجا طـاريٍ في صـاحبه يرتاع
ولا يرتــاح واخبـــاره مع العـالم يتابعها
خفوق مايبيع الــود لـو غـــيره جــفاه وباع
يعيش بوحدته لرضـــاه والعـالم يقاطعها
قطع كــل المســافه وانتهت ماباقي الا باع
عســى الله لايـرد الــذاهــبه ولا يرجعها
مادام البعد ســيف للوصل والمعرفه قطاع
قـلـوب تحــتزمبــه ياعلـي لازم نقاطعها
فلا نبغي نطول هــرجنا فـي شي ماله داع
ولا نبغـي نتــيه بديـرة نجهــل شوارعها
مادام ان الهوا غلاب والمركب عليه شراع
يسوقه لين يرسيبه على شـاطي مراتعها
علي الزهيري/
توكلنا على الله وستوا المحراف والمقراع
على روس النوايف ودي اشهرها وسنعها
شعاني بوعلي بالصوات وانا جيتله فزاع
نبي رد الذ واهب لاهلها والقوم ندفعا
تبيها بالحميا فحتزم بالصارم القطاع
وعلّي اني لارد الذاهبه بالغصب ارجعها
الى كبرت لها رجال يامبارك طويل اذراع
لكن السوق ماهو سوقنا وشلون نمنعها
حلال القوم عند القوم خله جعله النزاع
صداقه يوم ولا اثنين وتغير مناجعها
مجرد تسلية خاطر وتشكيله في الانواع
بضاعه كاسده خسران شاريها وصانعها
الى هب الهواء شرقي يميل الغصن لين القاع
والى هب الهواء غربي وقفّت قام يتبعها
يشوم الحر عن وكر الوطا في عالي المطلاع
وبوم الدار مات ونفسه المسكين ماشبعها
غناة النفس والمنوه ومايشفي من الاوجاع
تراها بنت قومٍ مابنكسب من قلايعها
ابوها كاسب الطولات ذكره بين ربعه شاع
على ربعه كما سنجار حاميها ونافعها
وانا ماودي ابين خفيا السر لسماع
يكفي ماشرحته والنصيحه وين سامعها