بيني وبينه

بيني وبينه
يا شاطي النيل ضاق الصدر في جالك
جيتك ابشكي همومٍ ما تعداني
ما تذكر العام شاعر جاك غنالك
لاضلم الليل يبدع عذب الألحاني
النيل
أي والله خابرك يلي تبدع أمثالك
ذيك الليالي لا جيت بشوق طرباني
وشفيك قلي علامك ضايقٍ بالك
وشفيك قلي تجر الصوت بحزاني
يانيل قلي خدير العين ما جالك
هو ما تعنى نشد اليوم من شاني
خفف عليه ولو انه تهيالك
لي مدةٍ أنتضر والموت قد حاني
النيل
لا والله جاني وجاني ينشد أحوالك
يتذكر أيامك الي جيتله عاني
في صوته العذب يكسر جر موالك
وفي دمعه الي ذرفه بشوق حلاني
يا نيل قلي أعلومه يوم حاكالك
ترى فقت الفرح من يوم خلاني
هو جاك في ليل مضلم ثم ضيالك
خابره يضوي ضلام اليل لا جاني
النيل
جاني يجر الخطا ويقوللي مالك
مالك يا نهر الغرام أتفيض الأعياني
جاني في ذاك المحل يتذكر أقوالك
من يوم جاني وكن الشمس تنباني
يا نيل عذبتني في قول يهنالك
يهنالك الي وطاك وخلا الأوطاني
مع السلامه يانيل القلب حيالك
أبتصبر عسى هالصبر يقواني