اظن الرجل لو يبكي على غاليه ماعابه

من طرف **Admin** الخميس ديسمبر 22, 2011 9:11 pm

اظن الرجل لو يبكي على غاليه ماعابه

فقدتك يوم عيد الله وكلن عايد أحبابه
وانا مثل اليتيم اللي هموم القلب يخفيها

أشوف الناس مبسوطه وكلن حوله أحبابه
وانا ماني بحاسدها عسى ربي يهنيها

أجامل من يناظرني بضحكة سن كذابه
وأحاول امسح أدموعي بكف اليد وامحيها

اناماني طردت الهم يوم العيد وش جأبه؟
انا ماقلت يانفسي هموم الوقت خليها؟

وش اللي جدد الذكرى وهمي من فتح بابه؟
أحاول ادفن العبرة لكن الوقت يبديها

انا لو كإن بيديني نسيت الهم وأسبابه
نسيت السالفه لكن تجي لامر طاريها

ذكرت الله وقمت أقراء على نفسي من اكتابه
وقمت العن شياطيني وأقول الله يخزيها

تمشيني ظروف الوقت والأقدار غلابه
وانا مجبور اهونها على نفسي واهديها

اظن الرجل لو يبكي على غاليه ماعابه
وانا لامن بكت عيني بكت من فقد غاليها

اببكي ياعسى ادموعي تلهيني عن اغيابه
هلا بالدمع مادامه هموم القلب ينهيها

احس الكون بي ضايق لو انه ماوسع اقطابه
واحس اني مللت العيش بالدنيا والا ابغيها

انا لو ماخشيت الله والا فكرت باحسابه
لااريح نفسي ابنفسي من الدنيا ومافيها

لك الله ماشكى قلبي لو إن الهم ماصابه
على الله يالضروف اللي تباغتني بلاويها

عسى ربي يعين اللي فقد من همه اعصابه
تذكرته وانا نفسي لهيب الشوق يكويها