بلـــــغوه أقل شئ بخالــــــص الشكـــر الجزيــــــل..

من طرف **Admin** الإثنين ديسمبر 12, 2011 11:25 am

بلـــــغوه أقل شئ بخالــــــص الشكـــر الجزيــــــل..

[SIZE="4"]لو خسرتك ماخسرت العمر.. والدنيا متاع
وأدري أني لو خسرتك ماخسرت.. إلا قليل

بس فكر زيــن تعرف من خسر فينا وضاع
وتعرف إنك لو تلف الأرض .. وتدور بديـــل

والله إن تبـــطي ولو لفيت كل البقــاع
ولو تسوي وش تسوي ماأنت لاقي لي مثيل!

وين تلقى مثل شخصي شخص..وطباعي طباع
ووين تلقي مثل قلبي قلـــب .. أو مثلي خليــــــل..

البشر واجد .. نعــم .. لكن فرق الانطباع.!
يجعلك يمي تمـــــيل .. ويم غيري ماتمـــــيل....

يارفيقي .. انتبه .. واحسن إلي الاستماع..
للمواقف دور في كشف المزيف .. والأصـــيل..

وأنت ماقصرت فيني موقفك جـــداً شجاع..
طعــنتك في الظهـــر كانت إثبـــــات ودليـــــــل....

بيض الله وجهك اللي ساتره تحت القنــاع
ورايتك بيضا معاي وياعسى عمرك طويــل...

يعني أعطيك الثقة وتردها بـ"لوي" الذراع !!
ياخـــي ماشاء الله عليك أبدعــــت في رد الجميل..

مــــدري كيـــف أشكرك !
مـــدري كيـــف أرد الصــــاع صـــــاع!!
كنت أحسب أنك عزيــــز النفس .. تطلع لي ذليـــل...

كم وأنا عييت أصدق فيك قدر المستطاع
من غبائــــي كنت أسكت وأعذرك .. وأثر الحصيل !!

جـــرح قلبٍ ميزته في كل يوم الاتســــاع..
ودمع عــــــين" ينهمر من ضيقــتي في كل لــيل...

والله والله إني كنت أحبك حب .. وأتبعك إتباع..
كنت لجل أرضي غرورك بــــس ...أسوي المستحيل

كنت أعمــى فيك .. لا.. لا .. ميت للنخــاع..
كنت مدري كيـــف لكن كنت صادق معك حيــــل...

كنت أمارس في غرامي لك سياسة الانصــياع
وكنت لاغـــي معك فكرة أعتـــــزل او أستقــــــيل....

اندفعت بكل مافيني .. وسوء الاندفــــــاع...
يجبـــر الإنسان أحـــــــياناً.. يفكر بالرحيـــــل...

صدمتي فيك إنت .. خلتني أفكر باقتناع..
إن قتل النفس راحـــــة لو أنا كنت القتيــــــل...

انفجر راسي من التفكير.. وازداد الصداع
كيف أنا بفتك من جروحك ودوشة " قال قــــيل"

صرت سيرة في حلوق الناس.. وتالي هالضياع
" انتـــــــــــحر معقــــول ! ياالله وش هذا الغليــل..

رحـــــمتك يارب لامن ضاقت امنحني وساع..
أنت حسبي في الزمان الجاير ونعـــــم الوكيــــل...

لا غدى "مستقبلي والماضي" أطراف النزاع..
وصفحة الماضي ســـــواد وشئ من هذا القبيـــل...

فلازم انســـى لجل أنهي بداخلي هذا الصراع..
ولازم أتقــــــوى .. عشان أحقق النصــــر الجليــل...

وطالما إن الهجوم أفضل وسيلة للدفــاع...
مســـــتحــــــيل أرضخ لو أن الحمل ياربعـــي ثقيــــل...

والبخيل اللي نساني واشتري فيني... وباااع...
يذلــــــــف .. الله لا يـــــرده .. والله بجرحي كفيــــل...

وإن سأل عني وجاكم بعد فترة إنقـــــطاع !!!
علموه أني نسيتــــه بـــــس أنا ماني بخيــــــل....

طالما كان السبب في قوتي .. قــبل الوداع...
بلـــــغوه أقل شئ بخالــــــص الشكـــر الجزيــــــل..</b>

الموضوع الأصلي : بلـــــغوه أقل شئ بخالــــــص الشكـــر الجزيــــــل..

من طرف **المسافر** الخميس يناير 26, 2012 11:29 am

الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق

بلـــــغوه أقل شئ بخالــــــص الشكـــر الجزيــــــل..

بلـــــغوه أقل شئ بخالــــــص الشكـــر الجزيــــــل..

رد: بلـــــغوه أقل شئ بخالــــــص الشكـــر الجزيــــــل..