ياصاحبي تدري بغلاك وتغليت مبروك للي صار عقبي مكاني

من طرف **Admin** الثلاثاء ديسمبر 13, 2011 4:27 am

بعدك لهم ابتلاني!!

ما كنت أظن أني من القلب حبيت

وأن الهوى في بحر حبك رماني

كنت أسأل الجدران وأركان هالبيت

وين الحبيب اللي يعزه كياني

يا صاحبي تدري بغلاك وتغليت

ولا قسيت وزاد فيك امتحاني

مدام بفراقي يقولو تهنيت

مبروك للي صار عقبي مكاني

وش في يدي والحين عني تخليت

مدري ألوم الحظ ولا زماني

كنت أتذكر كل مرة بها جيت

واشعر بشهقة خافقي والمحاني

لاجو بذكرك دمعة الفرح هليت

وتتلعثم الكلمة ويثقل لساني

بس الحقيقة ليتني ما تماديت

وليت الأمل من شط يمك خذاني

دامك تحس بضيقتي يوم ونيت

وعقلك فطين وفاهم بالمعاني

ما عاد ينفع لك غلا عنه سجيت

بأنساك وأرخص للغلا من نساني

إهدا خاص بعد إذنكم

الموضوع الأصلي : ياصاحبي تدري بغلاك وتغليت مبروك للي صار عقبي مكاني