ترفقوا عليه هو كتلة محاسيس وهي مجرد بنت

ترفقوا عليه هو كتلة محاسيس وهي مجرد بنت










ترفقوا عليه هو كتلة محاسيس وهي مجرد بنت


المشهد الأول


بعد كم شهر من الزواج....الأخ جاي عند أهله وطاق اللطمة.....والوجه معتفس.....>>>يلمح لأهله يعني اسألوني وش فيك

يسألونه أهله.: وش فيك عسى ماشر...وش سوت لك هالنسرة؟؟<< النيه صافيه مره..

يتنهد تنهيدة طووووويله لزوم جو الدراما.....:*

والله متضايق...ماأدري وش أسوي... هي ماسوت شي ولا قصرت.... بس كذا...ما حبيتها

أهله: طلقها.....وش اللي حادك...أهم شي ما تتأثر نفسيتك))>>>((ماتتأثر نفسيتك))تصدقون تعبت وأنا اكتب هالجمله أحس أبدعت*





عند الفتاة*



بعد فترة طويلة وتردد أطول تصارح أهلها بخوف شديد:

يمه عندي مشكلة..

الأم : البنت المفروض تحفظ أسرار بيتها...

المسيكينة تبلع ريقها بصعوبة وتقول بصوت هامس:
بس يمه....ما أحبه...عجزت...

صرخة تهد البيت:

بلا حب بلا فصفص....>>>فصفص أبيض ولا مصري؟؟؟
البنت مالها إلا زوجها...من يوم قبلتي الزواج خلاااص...أنتي مرتبطة فيه...والكلام السخيف هذا

والحب والخرابيط هذي لا عمرك تقولينها....والحين اقبعي عباتك>>>يعني البسي عباتك.....وطسي لبيتك>>>الحنان عندنا فااااايض ماشاءالله....*



المشهد الثاني



عند الشاب...بعد الطلاق


الشباب مجتمعين باستراحه...حش بخلق الله وبلوت وشيشه إلا من رحم ربي...واللي يقلب بالتلفزيون ...
وبعضهم يلعب بلاي ستيشن>>>يطلع الطفوله اللي قمعها أبوه يوم كان بزر*

وناس كيرم >>>>غباااااااااااااااار وأنا اكتب كيرم....ياقدمه*

عاد واحد يسأل ابو الشباب...:
سمعنا إنك مطلق...وش فيه؟

يقول:
ابدا ما حبيتها...

وينتهي النقاش عند هالحد


عند الفتاة



الحريم مجتمعات بالصالة....وهات يا طق حنك.. وشاهي وشابوره>>>مدري طرت على بالي

ووحده تسأل الأم:

ليش تطلقت بنتك؟؟؟>>>> يمدحون الأخلاق والذوق..

الأم:
والله ما حصل نصيب...


وعقب ما يطلعن الحريم وهن توهن عند باب الشارع...تلقى هالوحده تجر الثانيه من عباتها>>> ذابحتنا النعومه

تعالي اقوووول...سمعتي وش قالوا؟؟؟

الثانيه:

ياكثر اللي انقال؟؟؟ أي جزء من الجلسة؟؟>>>رواية ما صارت جلسة..*

الوحده:
يقولون انها كسرت ظهره من طلباتها...مره جب لي ألماس من شانيل>>>تسمع بالماركات*

ومره ودني بشوف برج ايفيل..كل اللي راحوا لسويسرا يمدحونه>>> هي ربطت بين البرج وبين جبال الألب بسويسرا...كلهن مرتفعات...

والمسكين صار كل بنك يطلبه من الديون>>>وهو أصلا ما يعرف طريق البنك...فلوسه مجمعها تحت مخدته*

واخر شي قالت له خلاص ودني لأهلي... اشتقت لدلعهم ...كل صبح أمي تحط لي كورن فليكس>>> على بالهم تحضر...*

~~~~~~~~~~~~~~~~~~~~~~~~~~~~~~ ~~~~~~~~~~



لماذا يحق للشاب أن يحب ويكره ولا يحق للفتاة ذلك؟؟؟ حتى التعبير تحرم منه؟؟؟...وكأنها مجبرة على حبه ما دامت تزوجته....

لماذا يجدون للشاب ألف عذر وعذر عندما يطلق...حتى لو كانت رغبته؟؟؟
في حين أن المطلقة تلحقها الإتهامات حتى من الغرباء وإن كانت بريئة من كل تهمة؟؟؟

أنا ما أعمم ويمكن تكون هالحالات قليلة جدا...لكني شاهدت كذا حالة وحبيت أشارككم 


الموضوع الأصلي : ترفقوا عليه هو كتلة محاسيس وهي مجرد بنت